مسرحيات قصيرة جدا

                                               

1

الزمان00

          من وقت لسه يدو بك  فايت

المكان00

          مالوش ملامح

الحدث00

          زى اندفاع التايه للسراب

          لكنه كان فعلا سراب

 

2

 

الزمان00

          الآن، أو الوقت بدل الضايع .

المكان00

          جوه قلبي .

الشخوص00

          بيني وبيني .

الحدث00

          كلمة ياريت

          ودموع بتنزل

          والنبض على شوك الإضراب

 

                                           3

 

الزمان00

          يوشك انه يتحقق .

المكان00

          ورق، هدوم جنب منى ع السرير

الحدث00

          جاى في إيده ملاية

          وبرغم إن الدنيا ضلام

          كنت شايفها بلونها الأبيض .

 

                                             4

 

الزمان00

          كمان شوية صغيرة

المكان00

          ترابيزة فوقها أكوام ورق

          وأعقاب سجاير وجزء من رغيف قديم .

الحدث00

          كباية شاي، وسيجارة والعة لكنها

          متشوقة لحضن الشفا يف، علشان

          ما ترجع للحياة

          وإيدى مرمية على صدري

          وقلم غريب ما هوش بتاعى

          بيكتب كلمة النهاية

 

                                              5

 

الزمان00

          كمان شوية

المكان00

          الشارع اللي تحت بيتي

الشخوص00

          ستات قاعدة تغزل كلام

          يتأسر فيه الفراغ

          والشمس طالعة زى عادتها القديمة.

الحدث00

          أشخاص في إيدها عنواني واقفة بتسأل

شكل بيضوي: العودة
للصفحة
الأولى
          - ياآآه هو انتم لسه ماتعرفوش؟!